Ende nuk dihet fati i Luginës Panjshir të Afganistanit, i vetmi vend që mbanë kontrollin larg talebanëve, transmeton InLajmi.
Burimet talebane thanë për agjencinë e lajmeve Reuters se ata kishin pushtuar zonën, por luftëtarët e Panjshir, e kanë mohuar një gjë të tillë.
Një nga udhëheqësit e rezistencës, Amrullah Saleh, ka hedhur poshtë pretendimet se ai kishte ikur, por tha se situata ishte “e vështirë”.
Luftimet në Panjshir raportohet se deri tani kanë lënë qindra të vdekur.
Në Kabul dhe qytete të tjera poashtu disa njerëz u vranë dhe të tjerë u plagosën nga të shtënat festive të talebanëve për marrjen e pushtetit.
Lugina Panjshir gjendet në veri të kryeqytetit Kabul, është një nga provincat më të vogla të Afganistanit dhe e vetmja që nuk ka rënë në duart e talebanëve.
Kështjella tradicionale anti-talebane është shtëpia e diku në mes 150.000-200.000 njerëzve dhe është e fshehur prapa majave të maleve./InLajmi/
