Ministri i Shëndetësisë, Arben Vitia, në një konferencë të mbajtur për media ka njoftuar se nga 12 Shtatori, do të fillojë vaksinimi edhe ditën e dielë, raporton InLajmi.
Vitia ka bërë të ditur se 93% e personave të konfirmuar me koronavirus që janë të hospitalizuar nuk kanë qenë të vaksinuar.
Ai ka shtuar se deri tani rreth 600.000 qytetarë janë vaksinuar me së paku dozën e parë.
Ministri ka bërë të ditur se brenda një jave në vend kanë humbur jetën nga koronavirusi 170 persona.
“Deri tani, 600.000 qytetarë kanë marrë së paku një dozë të vaksinës. Nga 12 Shtatori ne do te kemi vaksinim edhe të dielave. Numri i të infektuarve përkundër një rënie të lehtë vazhdon të jetë akoma i lartë. Deri tani janë bërë në total mbi 33.000 teste… Prej atyre që janë të hospitalizuar dhe të konfirmuar me covid, 93% e pacientëve kanë qenë të pavaksinuar”, tha Vitia./InLajmi/
