Bashkimi Europian dhe prodhuesi britanik-suedez i vaksinave AstraZeneca kanë nënshkruar një marrëveshje të re, pas mungesës së vaksinave të koronavirusit që ndikuan në përhapjen e tij në vendet evropiane në fillim të këtij viti, transmeton InLajmi.
AstraZeneca ka rënë dakord të dërgojë 200 milionë doza të vaksinës, të cilat ishin premtuar sipas një kontrate me BE-në, deri në fund të marsit 2022.
Në fillim të këtij viti AstraZeneca krijoi një mosmarrëveshje me zyrtarët e Komisionit Evropian kur deklaroi se mund të jepte vetëm një pjesë të dozave të dakorduara për 3 muajt e parë të 2021.
Mosmarrëveshja e hidhur hodhi në hije javët fillestare të përhapjes së vaksinave në 27 vendet e BE-së, shkruan BBC.
Komisioni akuzoi kompaninë për thyerjen e një marrëveshje blerjeje të avancuar në Gusht 2020, ndërsa AstraZeneca u përgjigj duke argumentuar se kontrata kërkonte vetëm “përpjekjen e saj më të mirë” për të ofruar miliona doza vaksine në kohë./InLajmi/
