Ftesa e kryetarit të Lidhjes Demokratike të Kosovës për shkurtimin e fushatës zgjedhore nga 30 në 10 ditë mori përgjigje nga dy kundërshtarë të tij politikë.
Kreu i Partisë Demokratike të Kosovës Memli Krasniqi dhe ai i Aleancës për Ardhmërinë e Kosovës Ramush Haradinaj e pranuan kërkesën e Lumir Abdixhikut.
Por, një qëndrim në lidhje me këtë çështje nuk ka dhënë edhe i pari i Vetëvendosjes, Albin Kurti.
Me apo pa këtë të fundit ndryshimin që po e kërkon LDK-ja nuk do të mund ta bëjë përmes Komisionit Qendror të Zgjedhjeve.
Mundësinë për një kërkesë të tillë për shkak të situatës pandemike e kanë institucionet shëndetësore.
Por, LDK nismën e saj do të provojë ta finalizojë përmes Kuvendit që tash është në pushim, shkruan Klan Kosova
Për këtë do të propozojë rezolutë në një seancë të jashtëzakonshme që do ta thërrasë për javën e ardhshme.
