Qeveria e RMV-së në seancën e sotme ka plotësuar masat për parandalimin e pëhapjes së COVID-19, me të cilat nga 1 Shtatori 2021 shtetasit e vendit dhe të huaj edhe për dalje nga territori i RMV-së, në vendkalimet kufitare duhet të paraqesin;
-Certifikatë/vërtetim për vaksinim, respektivisht dy doza të pranuara.
–Certifikatë/vërtetim se e keni kaluar COVID-19 në 45 ditët e fundit, duke llogaritur ditën e shërimit
-Vërtetim mjekësor me rezultat negative nga testi PCR SARS-CoV-2, 72 orë para daljes nga territori i RMV-së ose test i shpejtë negative për antitrupa 48 orë para daljes nga shteti.
Qeveria ka plotësuar edhe vendimin për karantinim të detyrueshëm shtëpiak në afat prej 7 ditëve nëse gjatë hyrjes në vend nuk kanë test negativ PCR ose vërtetimie për vaksina ose se jeni shëruar nga COVID-19, ku kohëzgjatja e karantinimit mund të shkurtohet në 5 ditë nëse në atë periudhë dorëzohet tetsi negativ PCR. Kjo vlen edhe për shtetasit e vendit dhe të huaj. Harxhimet e izolimit i mbulojnë shtetasit e huaj.
Qeveria miratoi ndryshime me të cilët parashihen përjashtime nga kjo masë për shtetasit e vendit, vozitës të automjeteve të transportit, si dhe vozitës të huaj të automjeteve të transportit që tranzitojnë nëpër vendin tonë, përcjell KlanMacedonia.
Në seancën e sotme është miratuar edhe përjashtimi nga masat për tranzitim për ekuipazhet e aeroplanëve që aterojnë në Aeroportet ndërkombëtare të vendit, sipas të cilës, në vend të pesë orëve u lejohet qëndrim më i gjatë tranziti për shkak të natyrës së punës së tyre.
