Kryetari i AAK-së, Ramush Haradinaj ka reaguar ndaj Ministritë të Financave, Hekuran Muratit, pasi që ky i fundit ka thënë se Qeveria Haradinaj ka keqpërdorur miliona euro në rrugën Prishtinë-Pejë, përcjell InLajmi.
Përmes një postimi në Facebook, Haradinaj i akthënë ministrit Murati se etiketimet e ulëta nuk të shpëtojnë as ty e as shefin tënd nga dështimet e njëpasnjëshme.
Kreu i AAK-së gjithashtu ju ka drejtuar ministrit me duke i thënë se tregoju qytetarëve se pse janë duke e bojutuar gazin amerikanë dhe janë duke e sjellur gazin rus, pse nuk e keni blerë asnjëvaksinë dhe e keni bërë Kosovën kampione botërore në keqmenaxhimin e pandemisë.
Në fund të disa pytetjeve, Haradinaj ka thënë se lista e përgjigjeve e sqarimeve që duhesh me ia dhanë qytetarëve është shumë e gjatë.
Postimi i plotë i tij:
Ministër Murati, etiketimet e ulëta nuk të shpëtojnë as ty e as shefin tënd nga dështimet e njëpasnjëshme!
Tregoju qytetarëve ministër, pse po e bojkoton gazin amerikan e po e sjell gazin rus në Kosovë!?
Tregoju qytetarëve se nuk keni blerë asnjë vaksinë, dhe e keni bërë Kosovën “kampione botërore” për keqmenaxhim të pandemisë!
Trego ministër, pse nuk po bëni asnjë angazhim shtesë në situatën më të rëndë e me numrin rekord të vdekjeve këto ditë? Biles as shtesa për personelin shëndetësor e as për policinë?!
Tregoju qytetarëve, se përpos që hoqët taksën, nuk vendoset reciprocitetin, Serbisë ia hoqët edhe pengesën e fundit, taksën për prodhimet e subvencionuara nga Serbia, për të dëmtuar prodhimin tonë vendor!
Ende nuk keni treguar pse e keni angazhu Nexhat Krasniqin, famëkeqin e tenderëve!?
Trego për keqpërdorimet e buxhetit, për dhjetëra kontrata pa shpallje të nënshkruara, për anulim të projekteve kapitale!?
Lista e përgjigjeve e sqarimeve që duhesh me ia dhanë qytetarëve është shumë e gjatë. Ne u detyruam t’i rikujtojmë disa!
Dhe për fund, sqaroju qytetarëve që auditimi i brendshëm bëhet nga ti dhe punëtorët tuaj, ku shkruani çka ju teket dhe nuk është auditim profesional nga Auditori Gjeneral!
Sigurisht që keni nervozë dhe shqetësim nga sondazhet, që tregojnë se e keni marrë tatëpjetën. Fatkeqësisht nga të bëmat tuaja, po e pëson vendi dhe qytetarët.
RH /InLajmi/
