Kryetari i Gjakovës, Ardian Gjini ka thënë se asnjëherë nuk janë kryer punë më shumë në Gjakovë, se në këto katër vite gjatë mandatit të tij.
“Mund t’ju them se në asnjë periudhë katër vjeçare në histori të Gjakovës nuk janë kry punë publike më shumë se në këto katër vjet, absolutisht kurrë. Rrugë me kubëza, me trotuare, me asfalt ne e arrijmë diku 300 kilometra, për me iu siguru që çka do të thotë kjo për katër vjet Gjakova nuk e ka kalu shifrën e 62 kilometrave për katër vjet asnjëherë, më përpara” tha Gjini në Prime Time, në Kanal0
Gjini po ashtu bëri një krahasim me mandatin e Mimoza Kusarit-Lilës, ku ishin shtruar 65 kilometra asfalt, ndërsa në të tijën 300 kilometra.
Mimoza-Kuzari Lila nga VV, dhe Ardian Gjini nga AAK, janë kandidatët kryesorë për të qeverisur me Gjakovën në 4 vitet e ardhshme.
