Një aksident i rëndë trafiku ka ndodhur pasditen e sotme në rrugën Prishtinë-Gjilan.
Si pasojë e këtij aksidenti është lënduar një person.
Në aksident ishin të përfshira një motoçikletë, një veturë dhe një autobus.
Kjo është bërë e ditur nga zëdhënësi i policisë për rajonin e Prishtinës, Agron Borovci, shkruan portali.info.
“Rreth orës 14:00, është pranuar informata për një aksident trafiku rrugor të ndodhur në rrugën magjistrale Prishtinë-Gjilan. Në aksident janë përfshirë një veturë , një autobus si dhe një motoçikletë.Si pasojë e aksidentit ngasësi i motoçikletës ka pësuar lëndime trupore dhe të njëjtit i është ofruar ndihma mjekësore.Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, tha ai.
