Policia e Kosovës ka njoftuar se ka ndodhur një aksident trafiku në Pejë, saktësisht në fshatin Radavc, përcjell InLajmi.
Policia e Kosovës ka bërë të ditur se si pasojë e kësaj ka ndërruar jetë një femër, gjithashtu kanë mbetur të lënduar 7 persona të tjerë, të cilët kanë pranuar tretman mjekësor.
Policia gjithashtu ka njoftuar se një person me shtetësi të huaj është arrestuar, pasi që i njëjti dyshohet se ka shkaktuar aksidentin.
Njoftimi i plotë nga Policia e Kosovës:
Fsh. Radavc, Pejë, 29.08.2021 – 08:35. Një femër kosovare ka vdekur si pasojë e plagëve të pësuara gjatë një aksidenti trafiku, që ka ndodhur midis dy veturave. Gjatë aksidentit kanë pësuar lëndime trupore edhe 7 persona që ishin në dy veturat të cilët pas tretmanit mjekësor janë liruar. I dyshuari mashkull me shtetësi të huaj, që dyshohet të jetë shkaktar i aksidentit është arrestuar dhe me vendim të prokurorit është dërguar në mbajtje. /InLajmi/
