Ministri i Mbrojtjes, Armend Mehaj ka bërë të ditur se sfida e radhës së tyre është përballja me variantin “Delta” të koronavirusit, përcjell InLajmi.
Mehaj ka thënë se si në valët e mëhershme të pandemisë dhe në sfidat e tjera, janë duke u përgatitur gjitgashtu edhe për ketë valë që të i mbështesin autoritetet shëndetësore.
Sipas tij FSK është duke i dhënë të gjitha aftësitë dhe kapacitetet njerëzore profesionale, ato materiale.
Postimi i plotë i tij:
Lufta me virusin Corona, tani me variantin Delta, është sfida e radhës me të cilën po përballemi,
Ne, sikur edhe në valët e mëhershme të pandemisë dhe sfidat tjera të mëhershme, jemi në gatishmëri të plotë që të mbështesim autoritetet shëndetësore qendrore e lokale për parandalimin, menaxhimin, reagimin dhe tejkalimin e kësaj sfide.
Të gjitha aftësitë dhe kapacitetet njerëzore profesionale, ato materiale, të mbështetjes logjistike dhe kapacitetet infrastukturore të FSK-së i kemi në dispozicion të plotë për shëndetin dhe mirëqenien e juaj, qytetarë të dashur.
Për të parandaluar, duhet të realizojmë vaksinimin e plotë si dhe të mbajmë distancën fizike, maskat dhe higjienën personale.
Bashkë, si gjithmonë, do të ia dalim! /InLajmi/
