50 mjete ushtarake, autoblinda, donacion ky nga SHBA-të për FSK-në, do të prezantohen të hënën, përcjell InLajmi.
Prezantimi i automjete ushtarake të blinduara, të tipit M1117 ASV (Armored Security Vehicle) pritet të bëhet nga komandantja supreme, Vjosa Osmani dhe Kryeministri i vendit, Albin Kurti.
“Ministria e Mbrojtjes dhe Shtabi i Përgjithshëm i FSK-së organizojnë ceremoninë e pranim-dorëzimit të donacionit të SHBA-së me automjete ushtarake të blinduara, të tipit M1117 ASV (Armored Security Vehicle). Ceremonia në fjalë do të mbahet në Kazermën “ Adem Jashari”, të hënën, më datë 30 gusht 2021, nga ora 11:00”, thuhet në njoftimin e Ministrisë së Mbrojtjes.
Në këtë ngjarje, përveç pjesëmarrjes së Osmanit e Kurtit, do të jetë edhe ministri i Mbrojtjes Armend Mehaj, si dhe autoritete të larta ushtarake./InLajmi/
