KQZ nuk i’a certifikon kandidaturën Selim Pacollit për Prishtinën

Kandidati i AKR-së për Prishtinën, Selim Pacolli ka bërë të ditur se KQZ nuk i’a ka certifikuar kandidaturën, përcjell InLajmi.

Pacolli ka bërë të ditur se kjo ka ndodhur si pasojë pasi që ka bërë deklraimin e pasurisë 48 orë pas përfundimit të afatit ligjor për deklraim, që sipas tij kjo vonosë ka ndodhur përshkak të një udhëtimi për çështje shëndetësor jashtë vendit.

Rreth kësaj, Pacolli ka thënë se edhe pse nuk do të mund të bëhet kryetar i Prishtinës, është beturar se do të qëndrojë afër qytetarëve gjithmonë.

Ai gjithashtu ka thënë se do të vazhdojë implementimin e të gjitha projekteve të planifikuara për këtë mandat, dhe projektet e parapara për mandatin vijues, e që janë jetike për qytetin tonë.

Postimi i plotë i tij:

Të nderuar qytetarë dhe qytetare të Prishtinës,

Sapo morra lajmin se KQZ nuk do ta certifikoj kandidaturën time për kryetar të Prishtinës.

Kjo si pasojë e një aktvendimi të vitit 2019, unë kam bërë deklarimin e pasurisë 48 orë pas përfundimit të afatit ligjor për deklarim, (përfshirë ditët e vikendit).

Me saktë, afati ishte të Premten, ndërsa deklarimi të Hënën, në orën 8 të mëngjesit në prezencën time fizike. Kjo vonesë ka ndodhë si pasojë e udhëtimit tim për çështje shëndetësore jashtë vendit.

Edhe pse në esencë ky është një vendim arbitrar dhe i palogjikshëm, vendimet e gjyqësorit janë të shenjta dhe të padiskutueshme.

U betohem që edhe pse nuk do të jem zyrtarisht kandidat për kryetar të Prishtinës, dëshira dhe angazhimi im për qytetarët e Prishtinës është edhe më i madh. Unë do të ju qëndroj besnik dhe do ti mbështes ne cdo hap të gjithë kandidatët e listës sonë për kuvendin komunal, e në veçanti kandidatin e subjektit tim AKR për kryetar të Prishtinës.

Ju siguroj se zotimi im për qytetarët është po aq i vlefshëm dhe nuk do të abstenojë por do të vazhdoj angazhimin tim sikurse para marrjes së këtij lajmi.

Do të vazhdojë implementimin e të gjitha projekteve të planifikuara për këtë mandat, dhe projektet e parapara për mandatin vijues, e që janë jetike për qytetin tonë.

Sinqerisht i juaji,

Selim Pacolli /InLajmi/