Zëvendësministri i Mjedisit, Planifikimit Hapësinor dhe Infrastrukturës, Hysen Durmishi, në një konferencë për media, është shprehur se siguria në trafikun rrugor duhet të rritet, raporton InLajmi.
Ai në një paraqitje bashkë me nënkolonel Jeton Rexhepi, drejtor i Divizionit të Komunikacionit Rrugor në Polici, shtoi se kanë marrë masa në këtë dretim dhe kanë rritur numrin e inspektimeve në punishtet në rrugë.
Ai bëri të ditur se një numër i madh projektesh kanë mbetur të bllokuara dhe pa sinjalistikë, ku rreth 37% e rrugëve nuk ishin të mbuluara me kontrata për sinjalistikë, për shkak se nuk ka pasur kontrata nga 2017-ta.
“Ne sot jemi këtu bashkë me policinë e Kosovës që të paraqitemi para publikut për një projekt të përbashkët ku e kemi rritur intensitetin e inspektimeve në të gjitha punishtet që ndodhen nëpër rrugët e Kosovës sa i përket sigurisë rrugore, siç e dini ne kur kemi ardhur në qeverisje kemi gjetur një numër të projekteve të cilët kanë qenë me vite të tëra që kanë mbetur të bllokuara, dhe pa sinjalistikën e duhur”.
“Ne e kemi ngritur standardin edhe në aspektin e cilësisë së këtyre punimeve duke angazhuar kompani. Të gjitha kompanitë që punojnë në ndërtim të rrugëve në bazë të kushteve të kontratës kanë për obligim që ta sigurojnë vend punishten që ta kenë sinjalistikën e nevojshme që qarkullimi të zhvillohrt pa pengesa dhe të mos ndodhen aksidente në komunikacion”.
Ai tha se e kanë rritur standardin e cilësinë e punimeve duke angazhuar kompani serioze, por shtoi se edhe ato kompani duhet të kenë sinjalizime në të kundërtën do të merren masa sipas ligjit.
“Ne e kemi ngritur standardin në aspektin e cilësisë së punimeve duke angazhuar kompani që bëjnë ekzaminimin e mostarave për kualitetin e punimeve”.
“Të gjitha kompanitë që punojnë në ndërtim të rrugëve e kanë për obligim që të kenë sinjalizimin që mos të pengojnë komunikacionin e mos të shkaktohen aksidente në mungesë të sinjalistikës”.
“I bëjë thirrje kompanive që të zbatojnë kushtet e kontratës në të kundërtën do të marrim masa. Kemi filluar me shqiptuar gjoba”./InLajmi/
