Në një ceremoni të drejtuar nga Papa Françesku në bazilikën e Shën Pjetrit ishte shenjtëruar Nënë Tereza 5 vjet më parë në shënimin e ditëlindjes së saj.
Ajo u shenjtërua 13 vite pas Lumturimit nga Papa Gjon Pali i II-të dhe 19 vjet pas vdekjes.
Në këtë ceremoni kishin marrë pjesë dhjetëra mijëra njerëz.
Ajo u bë e shenjtë pasi që Papa Françesku njohu zyrtarisht 2 mrekulli, që besohet se janë vepër e Nënë Terezës, njofton Klan Kosova.
Në vitin 2008 u bë e ditur se ajo kishte shëruar një brazilian, i cili vuante nga disa tumore të trurit, ndërkaq mrekullia e 2-të e saj është shërimi i Monica Besra e cila theksoi se është shëruar nga kanceri pasi ishte lutur tek Nëna Terezë.
Murgesha shqiptare, e famshme në të gjithë botën mori shtetësinë indiane në vitin 1948. Ajo është themeluese e “Misionarëve të Bamirësisë” dhe ka punuar për të ndihmuar të varfrit dhe njerëzit e shkelur.
Nënë Tereza vdiq më 5 shtator të vitit 1997 në Kalkuta të Indisë. Ajo ka lindur në Shkup më 26 gusht të vitit 1910. Në vitin 1979, humanistja shqiptare u vlerësua me çmimin Nobel për Paqe.
