Policia e Kosovës, bën të ditur se në 24 orët e fundit në Kosovë janë raportuar 6 raste të dhunës familjare, përcjell InLajmi.
Nga këto raste janë arrestuar 5 persona, ndërsa në 4 prej rasteve është ushtruar dhunë ndaj femrave.
Një rast është raportuar në Prishtinë, ku është arresuar një person, pasi që kishte sulmuar fizikisht bashkëshorten e tij.
Edhe një tjetër, viktimë grua po në kryeqytet ka raportuar se ka pësuar dhunë fizike nga bashkëshorti i saj.
“Viktima femër kosovare, ka raportuar se pas një mosmarrëveshje është sulmuar fizikisht nga bashkëshorti i saj i dyshuari mashkull kosovar. Viktima është dërguar në strehimore, ndërsa i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raportin 24 orësh të Policisë së Kosovës.
Rasti tjetër i dhunës fizike ndaj gruas, ka ndodhur në Prizren, ku bashkëshorti është arrestuar.
Ndërsa në qytetin e Gjilanit, një femër ka raportuar bashkëshortin e saj pasiqë i ka shkaktuar dhunë psiqike./InLajmi/
