Kryetari i Prishtinës, Shpend Ahmeti ka reaguar ndaj numrit të lartë të personave të infektuar me koronavirus, përcjell InLajmi.
Sipas Ahmetit situata në vend është alarmante dhe numri i të infektuarve është bregosës, e që sipas tij numri i viktimave është edhe më brengosës.
Tutje Ahmeti ka shkruar se masat e Qeverisë janë gati të paefektshme si dhe siptalet janë të stërmbushura, punëtorët shëndetësor janë të stërlodhur.
Gjithashtu Ahmeti ka treguar për situatën me koronavirus në Prishtinë, duke thënë se 48% të qytetarëve në kryetqytet kanë kaluar Koronavirusin, por numri i të vaksinuarve nuk mund ta mbronë qytetin me imunitet të turmes.
Postimi i plotë i tij:
Situata është alarmante! Numri i të infektuarve është brengosës, por edhe më brengosës është numri i viktimave. Me spitale të stërmbushura, punëtorë shëndetësor të stërlodhur e qytetarë të raskapitur nga masat, covidi do të gjejë edhe shumë viktima të tjera.
Masat e qeverisë janë gati se të paefektshme. Në këtë situatë qytetarët duhet të kujdesen pak më shumë për vetën dhe familjet e tyre. Në veçanti të moshuarit dhe ata me sëmundje kronike. Mos shkoni dhe mos i lejoni familjaret të marrin pjesë më turma të mëdha (super spreaders) dhe bartni maska në hapësira të mbyllura.
Vaksinohuni por duhet ta dini që përkundër vaksinimit që ju mbron juve, edhe njerëzit e vaksinuar mund të përhapin virusin, e në veçanti varianti Delta.
– në Prishtinë hulumtimi jonë ka treguar që deri në Mars 48 përqind e kanë kaluar covidin. Numri i të vaksinuarve ende nuk e mbron Prishtinën me imunitet të turmes prandaj keni kujdes.
– qendra e Mjeksësisë familjare në Emshir vazhdon të jetë qendër e Covidit për Prishtinën, duke ofruar shërbime të ndihmës jospitalore si dhe teste të shpejta antigjen
– në këto rrethana është e pakuptimtë hapja e plotë e shkollave. Me mësimdhënës të pavaksinuar dhe më rritjen e rrezikut për fëmijë nga varianti Delta shkollat mund të jenë superspreaders. Shtoja kësaj faktin që shteti nuk ofron kapacitete testuese të cilat do të na mundësonin vendime javore.
– nuk ka kuptim që në këto rrethana fushata për zgjedhjet lokale të jetë 30 ditë. Duke ditur përgjegjësinë e partive karshi zgjedhjeve nuk duhet të rrezikojmë. E pakta që mund të bëhet është të shkurtohet fushata në dhjetë ditë duke bërë zgjidhje për të hyrat e mediave të cilat janë në gjendje të rënduar financiare.
Niveli i alarmit duhet të ngritet nga të gjithë duke filluar nga qeveria. 1 i vdekur është një më shumë se që duhet të jetë. 18 në ditë është tepër shumë.
Vendimet mund të jenë jopopullore por kjo as që vlen të merret në konsideratë kur flasim për jetën e njerëzve. /InLajmi/
