SpaceX po përballet me një mungesë të oksigjenit të lëngshëm, gjë që ka bllokuar raketat e kompanisë, për shkak se spitalet po përdorin sasi të mëdha për të trajtuar pacientët me koronavirus, transmeton InLajmi.
Kompania e udhëhequr nga Elon Musk përdor oksigjen të lëngshëm, për të ndezur shtytësin e raketave me vajguri të lëngët i cili fuqizon motorët në raketat e tij Falcon 9.
Sidoqoftë, oksigjeni përdoret gjithashtu në respiratorë për ata që vuajnë nga koronavirusi, si dhe në trajtimet e ujit, dhe me pandeminë që po zgjat për më shumë se 18 muaj, furnizimet e oksigjenit po mbarojnë.
E ndërsa SpaceX po përgatitet për një mungesë të madhe që mund të çojë në një pauzë në lëshimet e raketave Falcon 9, kështu janë edhe spitalet, njofton DailyMail.
Spitalet aktualisht po merren me një rritje të rasteve të koronavirusit, pjesërisht për shkak të variantit indian Delta, duke sjellë mungesë në furnizimin me oksigjen./InLajmi/
