Prokuroria Themelore në Gjilan, Departamenti për Krime të Rënda, në bashkëpunim me Policinë e Kosovës, pas aplikimit të masave të fshehta të hetimit dhe vëzhgimit, sot ka ndaluar 2 persona me inicialet A.S. dhe R.S., të cilët dyshohen se kanë kryer veprën penale ‘’Trafikimi me njerëz’’, të Kodit Penal të Republikës së Kosovës.
Ekziston dyshimi se të lartcekurit, gjatë muajve Korrik dhe Gusht 2021, kanë trafikuar 2 viktima të mitura, njëra rreth moshës 15 vjeç, ndërsa tjetra 17 vjeç, në rajone të ndryshme të Kosovës, përcjell Gazeta Express.
“Të dyshuarit me urdhër të prokurorit të shtetit gjendet në ndalim 48 orësh”, njofton prokuroria.
