Mijëra peshq të ngordhur janë shpërndarë në brigjet e një lagune të madhe me ujë të kripur në Spanjën juglindore ditët e fundit pas një ngordhjeje masive që ka tronditur banorët vendas dhe ambientalistët, transmeton InLajmi.
Qeveria lokale ka fajësuar motin e nxehtë të kohëve të fundit për ngordhjen e peshqve, por shkencëtarët thonë se ndotja nga bujqësia lokale ka degraduar cilësinë e ujit.
Prokurorët kanë nisur hetimet për këtë ngjarje, ndërsa banorët kanë zhvilluar protesta për të kërkuar veprime.
Raportet në mediat spanjolle thonë se qeveria qendrore po shqyrton një kërkesë për të shpallur Mar Menor, zonën ku ngordhën peshqit, një zonë fatkeqësie.
Kërkesa u dërgua nga qeveria rajonale, e cila ka qenë nën presion në rritje për të shpëtuar një lagunë që është pllakosur prej vitesh nga problemet ekologjike.
E vendosur në bregdetin juglindor të Spanjës në Mesdhe, laguna dikur ishte një magnet për turizmin dhe një vend i shenjtë për jetën detare, shkruan BBC.
Por gjendja e ujit është përkeqësuar vitet e fundit, duke çuar në degradimin e ekosistemeve dhe humbjen masive të peshqve në 2016 dhe 2019./InLajmi/
