Policia e EULEX-it ka njoftuar se i ka shpëtuar jetën një djali të ri në liqenin Leqinat të Rugovës, përcjell InLajmi.
Përmes një njoftimi në faqen e EULEX në Facebook, ata kanë bërë të ditur se kanë dëgjuar thirrjet për ndihmë dhe kanë reaguar menjëherë.
“Njësia e Specializuar Policore e EULEX-it shpëtoi jetën e një të riu nga mbytja në Liqenin e Leqinatit. Ekipi jonë i NjSP u hodh në shpëtim momentin që panë shenjat e dobësuara të jetës së të riut dhe dëgjuan thirrjen për ndihmë,” thuhet në njoftimin e EULEX./InLajmi/
