Mjeku infektolog nga Kosova, Ilir Tolaj, në një intervistë në Syri Tv, foli për situatën e rëndë që po përjeton Kosova, sa i takon rasteve dhe fataliteteve nga Covid.
Tolaj thekson se vaksinimi antiCovid në popullatë duhet të vazhdojë, duke nënvizuar se edhe varianti Delta po gjen tashmë përhapje.
“Duhet të merren masa që të ndalohet përhapja e Covid, e ndër të tjera duhet që të mos ketë pjesëmarrje të lartë në evente. Duhet të vazhdojnë përpjekjet që të ketë më shumë vaksinime. Varianti Delta është prezent në Kosovë dhe përhapet shpejt. Në Kosovë po trajtohen mbi 1 mijë pacientë me koronavirus. Mbrojtje absolute nuk ofron asnjë vaksinë, por mundëson që të ketë sa më tepër siguri. Edhe ardhja e turistëve ka sjellë shumë infektime, ndaj duhet që të ketë sa më tepër kujdes, që të ketë parandalim të rasteve”, deklaron Tolaj.
