Policia e Kosovës, ka njoftuar se për 24 orë janë raportuar 7 rastë të dhunës në familje, përcjell InLajmi.
Në raportin e policisë bëhet e ditur se për këtë shkak janë arrestuar disa persona,.
Policia ka bërë të ditur se një rast dhune në familje është raportuar nga një grua në Fushë Kosovë, e cila ka denoncuar bashkëshortin e saj për dhunë fizike.
“Viktima femër, ka raportuar se pas një mosmarrëveshje është sulmuar fizikisht nga bashkëshorti i saj i dyshuari mashkull kosovar. I njëjti është arrestuar dhe me vendim të prokurorit është dërguar në mbajtje, rasti vazhdon të hetohet”.
Rasti i 2-të ka ndodhur po në Fushë Kosovë, ku policia ka arrestuar edhe një person, pasi që kishte kërcënuar me mesazhe bashkëshorten e tij.
“Është arrestuar i dyshuari mashkull kosovar pasi që i njëjti i kishte dërguar mesazhe me përmbajtje kërcënuese viktimës femër kosovare ish bashkëshortes së tij. Në konsultim me prokurorin i dyshuari dërgohet në mbajtje”, thuhet në raport të policisë.
Edhe në Lipjan, mbrëmë është arrestuar një person, pasi që ka sulmuar fizikisht dhe psiqkisht gruan e tij.
“Ankuesja femër kosovare ka raportuar se i dyshuari mashkull kosovar bashkëshorti i saj është duke i shkaktuar dhunë fizike dhe psiqike. I dyshuari pas intervistimit në konsultim me prokurorin është liruar ,rasti shkon në procedurë të rregullt”, thotë policia.
Për veprën dhunë në familje, ka ndodhur edhe një arrestim në Prishtinë.
“Në bazë të urdhëresës është arrestuar i dyshuari mashkull kosovar pasi që i njëjti dyshohet se ka kryer vepre e cekur më lartë. Në konsultim me prokurorin i dyshuari dërgohet në mbajtje”, thotë policia.
Ndërsa, në qytetin e Suharekës është arrestuar 1 personpasi e kishte kanosur bashkëshorten përmes telefoni.
“Ankuesja femër kosovare ka raportuar se pas një mosmarrëveshje me bashkëshortin e saj, përmes telefoni i dyshuari e kishte kanosur. Në lidhje me rastin i dyshuari është arrestuar pas intervistimit në konsultim me prokurorin i dyshuari është dërguar në mbajtje”.
Në komunën e Pejës, një person ka sulmuar fizikisht viktimën femër, i njejti është arrestuar nga policia.
“Është arrestuar i dyshuari mashkull kosovar pasi që i njëjti e ka sulmuar viktimë femër kosovar duke i shkaktuar lëndime trupore . Pas intervistimit në konsultim me prokurorin i dyshuari dërgohet në mbajtje”, thotë policia.
Edhe në qytetin e Vushtrrisë, është raportuar një rast dhune, ku policia ka arrestuar një person nën dyshimet se i njëjti ka ushtruar dhunë ndaj bashkëshortes së tij.
“Viktima femër kosovare ka raportuar se pas një mosmarrëveshje bashkëshorti i saj e kishte përdorur dhunë ndaj saj. I dyshuari është arrestuar, viktima ka pranuar trajtim mjekësor. Palët janë intervistuar dhe me vendim të prokurorit janë liruar në procedurë të rregullt”, thuhet në raport të Policisë së Kosovës. /InLajmi/
