Kryetari i Degës së PDK-së në Skenderaj, Sami Lushtaku ka publikuar një video ku përmes saj ka bërë të ditur se s’mund të kandidojë për krytar të Skenderajt, duke fajsuar kryeministrin Albin Kurti dhe presidenten Vjosa Osmani, përcjell InLajmi.
Gjatë kësaj video Lushtaku ka thënë se sa i përketë kandidimit të tij për kryetar të komunës së Skenderajit i është bërë presion i madh mbi institucionet e pavarura dhe ato të drejtësisë nga Kurti dhe Osmani.
“Duke parë përkrahjen e madhe që ka PDK në Skenderaj, unë si kryetar Dege dhe kandidat për kryetar të Komunës, për të ma pamundësuar kandidimin tim, është bërë presion i madh mbi isntitucionet e pavarura dhe ato të drejtësië. Ky presion është bërë nga dy krerët e shtetit, kryeministri dhe presidentja”, është shprehur Lushtaku.
“Skenderaj është zemra e UÇK-së dhe zemra e PDK-së. PDK e Hashim Thaçit dhe e Kadri Veselit, as nuk thyhet e as nuk dorëzohet. Skenderaj dhe PDK janë rritur e zhvilluar së bashku, andaj edhe në këto zgjedhje, PDK do të dalë fituese bindëse dhe unë do të jem në krye të qeverisjes, pranë qytetarëve të Skenderajt”, ka shkruar Lushtaku. /InLajmi/
