2 muaj më parë, udhëheqësit e 7-të demokracive të mëdha të industrializuara në botë u takuan në bregdetin jugperëndimor të Anglisë.
Ky ishte një rast i lumtur: Samiti i parë personal i Grupit të 7-të Kombeve, i realizuar pas 2 vitesh për shkak të pandemisë, ku ishte pjesë edhe Presidenti Joe Biden me mesazhin e tij “Amerika është kthyer”, në këtë samit ishte diskutuar për koronavirusin dhe për ndryshimet klimatike.
Ndërsa, sot, e martë, të njëjtët 7-të udhëheqës do të takohen përsëri në formatin virtual të konfrontuar me një ringjallje të pandemisë, lajme të tmerrshme mbi ndryshimet klimatike dhe ndoshta më e rëndësishmja, Afganistani.
Kriza në rritje e refugjatëve në vend, kolapsi i qeverisë afgane dhe frika nga një ringjallje e terrorizmit me bazë në Afganistan i ka lënë aleatët e G-7 të përleshen dhe të kërcënojnë unitetin e bllokut.
Kryeministri britanik Boris Johnson, nikoqiri i samitit të qershorit në vendpushimin anglez Carbis Bay, tani po i mbledh përsëri liderët për bisedimet e krizës mbi Afganistanin mes pakënaqësisë së përhapur në lidhje me trajtimin e Bidenit për tërheqjen nga Afganistani. Ankesat kanë ardhur nga Britania, Franca, Gjermania dhe të tjera në G-7, e cila përfshin vetëm një jo-anëtar të NATO-së, Japoninë.
Udhëheqësit në samitin e kaluar, Afganistanin e vendosë si numrin 57 nga 70 pikë që ishin për diskutim-pas Ukrainës, Bjellorusisë dhe Etiopisë. Atëkohë, NATO dhe SHBA tashmë kishin nënshkruar tërheqjen dhe gjithçka dukej që do të përfundonte si një tërheqje e rregullt, me shpresa për një marrëveshje paqeje midis qeverisë afgane dhe talebanëve.
“Ne u bëjmë thirrje të gjitha palëve afgane që të zvogëlojnë dhunën dhe të bien dakord mbi hapat që mundësojnë zbatimin e suksesshëm të një armëpushimi të përhershëm dhe gjithëpërfshirës dhe të angazhohen plotësisht me procesin e paqes. Në Afganistan, një zgjidhje e qëndrueshme, gjithëpërfshirëse politike është mënyra e vetme për të arritur një paqe të drejtë dhe të qëndrueshme në përfitim të të gjithë afganëve, ” thanë udhëheqësit, pa ndonjë urgjencë.
Udhëheqësit në samitin e kaluar, thanë se ishin të vendosur “për të ndihmuar njerëzit e Afganistanit, përfshirë gratë, të rinjtë dhe grupet e pakicave, pasi ata kërkojnë të ruajnë të drejtat dhe liritë e fituara me vështirësi”, thanë ata.
Por ndërsa po kthehemi në vjeshtë, ato shpresa janë shuar, shkruan AP.
Johnson dhe të tjerët, përfshirë Presidenti francez Emmanuel Macron, po e shtyjnë Biden të zgjasë afatin e tij të vetë-imponuar më 31 Gusht për tërheqjen totale të forcave amerikane në mënyrë që të sigurojë evakuimin e të gjithë shtetasve të huaj, si dhe afganëve që punuan ose mbështetën operacionin e NATO-s, të udhëhequr nga Amerika që mposhti talebanët në 2001./InLajmi/
