Dogana e Kosovës ka njoftuar se ka arritur që të parandaloj kontrabandimin me teste për koronavirus në pikën kufitare Dheu i Bardh, përcjell InLajmi.
Automjeti i cili ishte duke i futur nga Serbia në Kosovë testet e shpejta për koronavirus të kontrabanduara ishte duke u vozitur nga një shtetasi i Kosovës, ku pas kontrollimit të automjetetit janë gjetur një sasi e testeve të padeklaruara.
Doagana në këtë rast ka bashkëpunuar me Policinë e Kosovës ku mallrat janë konfiskuara si dhe ndaj personit përgjegjës është iniciuar procedura kundërvajtëse.
Njoftimi i plotë i Doganës së Kosovës:
Parandalohet kontrabandimi i testeve për COVID-19
Prishtinë 24 gusht 2021.- Njësit e Doganës kanë arritur të parandalojnë kontrabandimin e testeve të shpejta për COVID 19.
Në pikë-kalimin kufitar të Dheu të Bardh oficerët doganor kanë arritur të parandalojnë futjen e mallrave të kontrabanduara. Në pyetjen e zyrtarit doganor se a ka diçka për të deklaruar, vozitësi (shtetas i Republikës së Kosovës) i automjeti që vinte nga Serbia është përgjigjur negativisht. Vetura është selektuar për kontroll detal ku dogana është asistuar edhe nga policia dhe gjatë kontrollit janë gjetur të padeklaruara një sasi e testeve të shpejta për COVID-19.
Sasia e testeve te shpejta është si më poshtë:
1.Nasocheck Comfort SARS-COV-2 Antigen-Schnelltest-gjithsej 446 copë
2.Singclean IVD COVID-19 Test Kit (Colloidal Gold Method)- gjithsej 39 copë
3.LUNGENE COVID-19 Antigen Rapid test- gjithsej 16 KompleteX5 80 copë
4.Vicesars-COV-2 Antigen rapid test-20pce Gjithsej ne copë janë 585 copë.
Mallrat janë konfiskuara si dhe ndaj personit përgjegjës është iniciuar procedura kundërvajtëse.
Dogana e Kosovës synon që në bashkëpunim me qytetarët të mbrojë interesin e shtetit, duke u pamundësuar kriminelëve që të përfitojnë nga taksat e qytetarëve. Andaj, mirëpresim bashkëpunimin me qytetarët e Republikës së Kosovës dhe mënyra më e sigurte është që të na kontaktoni përmes telefonit 0800 500 95, facebook Dogana e Kosovës ose e-mail: info@dogana-ks.org. Me bashkëpunim efikas secili bëhet pjesë e luftës ndaj krimit. Duke mbrojtur të hyrat ne i krijojmë më shumë mundësi zhvillimit të vendit. /InLajmi/
