Ish-ministria i Shëndetësisë njëherësh edhe deputet në Kuvendin e Kosovës nga radhët e LDK-së, Armend Zemaj ka reaguar ndaj numrit të lart të rasteve aktive me koronaviruë në Kosovë, duke e quajtur rekord të zi, përcjell InLajmi.
Zemaj ka thënë se kjo është gjendje alarmante ku për 10 ditë kemi 17.723 raste të reja me koronavirus si dhe 67 qytetarë kanë humbur jetën.
Tutje ish-ministri i shëndetësisë ju është drejtuar kryeministrit Albin Kurti dhe ministrit të Shëndetësisë Arben Vitia duke ju thënë se qytetarët po i shohin vetëm si vota, që sipas tij si pasojë e kësaj është kjo gjendje e vështirë.
Ai ka thënë se qytetarët kanë nevojë për kujdes, mbikëqyrje dhe nihmë.
Postimi i plotë i tij:
Kryeministër dhe ministër “rekordzi”, ku jeni?
Gjendje alarmante! Për dhjetë ditë kemi 17.723 raste të reja me Covid-19. Po ashtu, 67 qytetarë kanë humbur jetën, në të njëjtën periudhë kohore, ndërkaq vetëm sot 17 prej tyre. Ndërsa, raste aktive kemi 20.467.
Kryeministër dhe ministër “rekordzi”
Krejt padrejtësisht qytetarët po i shihni si numra për vota, ndaj dhe e kemi këtë gjendje të vështirë. Mos harroni se po thyeni çdo rekord të zi të cilin vet e keni arritur. Mundohuni ta kuptoni një herë e mirë se qytetarët po i shndërroni në pacient të shumtë nga dija juaj e paktë.
Qytetarët kanë nevojë për kujdes, mbikëqyrje dhe ndihmë. Ata, familjarët e tyre dhe të gjithë e meritojnë të jetojnë, dhe atë shëndetshëm. Po shihet se menaxhimi i pandemisë nga ju ka qenë një frazë populliste dhe as që ka ekzistuar, ndaj dhe gjendja në tërësi ka degraduar.
Kryeministër dhe ministër “rekordzi”
Nuk e di se si mund t’iu zë gjumi! Dyshoj se mund të fleni rehat, e kundërta do të ishte tepër shqetësuese. Dorëheqja e parevokueshme e ministrit “rekordzi”, si pasojë e dështimit në menaxhimin e pandemisë Covid-19, është obligim, është përgjegjësi.
Të dashur qytetarë,
Ju lutem, kurdo që t’iu vijë mundësia e parë VAKSINOHUNI.
Uroj që të gjithë t’i respektojmë rekomandimet e IKSHPK-së.
Mbani maskat!
Respektoni distancën!
Mbani higjienën! /InLajmi/
