Kryeprokurori i Prokurorisë Themelore të Ferizajt, Shukri Jashari, ka bërë të ditur se i dyshuari për vrasjen e 18-vjeçares në Ferizaj, ishte i njohur për prokurorinë e policinë, raporton InLajmi.
Jashari ka bërë të ditur përmes një konferencë për media se i dyshuari kishte pasur një numër të madh të rasteve dhe ka qenë i dyshuar edhe për vrasje, ku gjithashtu ka thënë se për menyren e vdekjes dhe për të gjitha hetimet e tjera pritet që sa më parë të dihen detajet.
“Pasi që kemi marr informacionin qysh dje pas orës 15:00, Prokuroria së bashku me hetuesit kanë ndërmarrë të gjitha veprimet për ndriçimin rastit. Deri tash kemi arrestuar një person dhe jemi në kërkim të një personi tjetër. Prokurori i shtetit dhe Policia ka prova të mjaftueshme për të përfshirët në këtë vrasje. Shkaktari i vrasjes ende nuk duhet, ende nuk kemi pranuar autopsinë. Personi D.K. është person i njohur për policinë dhe prokurorinë, si person që ka një numër të madh të rasteve, ka qenë i dyshuar edhe për vrasje. Personi i 2-të është A.S. dhe ndaj tij është ngritur aktakuzë për tentimvrasje. Nuk është mbajtur ende shqyrtimi gjyqësor”, ka thënë Jashari. /InLajmi/
