Nënkryetarja e PDK-së, Vlora Çitaku ka reaguar pas vrasjes së 18-vjeçares në Ferizaj, përcjell InLajmi.
Përmes një postimi në Facebook, Çitaku ka thënë se ky rast është një thirrje kumbuese për shoqërinë, ku dhuna ndaj grave kalon me indiferencë.
Ajo ka shtuar se nëse shoqëria vazhdon ta trajtojë dhunën ndaj grave si normë, atëherë nuk do të mjaftojë ndëshkimi me ligj.
Postimi i plotë i saj:
Vrasja e 18 vjeçares mbrëmë është thirrje kumbuese për ne si shoqëri. Dhuna ndaj grave në Kosovë shpesh kalon me indiferencë, e qe besa ndonjëhere edhe me tallje.
Ndëshkimi me ligj nuk mjafton, nëse shoqëria vazhdon ta trajtojë dhunën ndaj gruas si normë.
Sot, spo kam as fjalë./InLajmi/
