Policia e Kosovës ka njoftuar se është arrestuar njëri nga të dyshuarit në rastin e viktimës 18-vjeçare e cila u dërgua pa shenja jete në emergjencën e spitalit në Ferizaj, përcjell InLajmi.
Në raportin 24 orësh të policisë bëhet e ditur, se i dyshuari tjetër kryesor gjendet ne arrati, ndërsa trupi i pajetë i viktimës është dërguar për obduksion.
Policia bën të ditur se rrethanat e rastit po vazhdojnë të hetohen.
Njoftimi i plotë i Policisë së Kosovës:
Ferizaj 22.08.2021 – 15:08. Është raportuar se i dyshuari mashkull kosovar, dyshohet se i ka shkaktuar lëndime vdekjeprurëse viktimës femër kosovare. I njëjti dyshohet se në bashkëveprim me të dyshuarin mashkull kosovar i cili është arrestuar, e kanë dërguar viktimën pa shenja jete në emergjencën e Ferizajt, vdekjen e të cilës e ka konstatuar ekip mjekësor. Me vendim të prokurorit i dyshuari është dërguar në mbajtje, ndërsa i dyshuari kryesor gjendet në arrati. Trupi i pajetë i viktimës është dërguar në IML për obduksion. Rasti është duke u hetuar./InLajmi/
