Ambasada Amerikane, u ka bërë thirrje qytetarëve të Kosovës që të marrin vaksinat kundër koronavirusit, përcjell InLajmi.
Përmes një postimi në Facebook, ambasada ka shkruar që Amerika ka bërë një donacionin më të madh se çdo organizatë tjetër për Kosovën, duke shtuar se në përfundim do të jenë gjithsej 700.000 vaksina të dhuruara për vendin tonë.
Por, në njoftimin e ambasadës shtohet se, vaksinat do të funksionojnë vetëm nëse individët vaksinohen, duke bërë thirrje për vaksinim në mënyrë që të mbrohemi nga koronavirusi.
“Kjo dhuratë nga populli amerikan është donacioni më i madh i vaksinave në Kosovë nga çdo vend apo organizatë. Si përfundim, donacioni amerikan do të sjellë mbi 700.000 numrin e dozave të dorëzuara përmes mekanizmit COVAX … Më shumë vaksina janë në rrugë. Por vaksinat funksionojnë vetëm nëse individët vaksinohen. Pra ju lutemi – vaksinoheni për të mbrojtur veten, familjet tuaja dhe komunitetet tuaja. Së bashku, ne mund të mposhtim COVID -19”, shkruhet në postimin e Ambasadës Amerikane./InLajmi/
