Nga Covid-Qendra në Spitalin e Tetovës kanë njoftuar për stabilizimin e situatës duke marrë parasysh se janë shënuar më pak viktima dhe pacientë që kërkojnë ndihmë e të shtruar në spitale.
Për mjekim spitalor janë ndalur 11 pacientë, kurse dje ishin shënuar 18. 6 pacientë janë lëshuar për mjekim shtëpiak. Kanë ndërruar jetë 3 pacientë, për dallim nga dje kur kishte 9 raste të vdekjeve.
“3 pacientë kanë ndërruar jetë, 11 janë pranuar për mjekim spitalor, kurse 6 janë lëshuar për mjekim shtëpiak. Gjithsejt kemi 125 pacientë të shtruar në spita, prej të cilëve 12 kanë pasur një dozë të vaksinës, kurse 5 me 2 dozat. Me oksigjeno-terapi janë 121 pacientë,” kanë njoftuar nga COVID-Qendra e Tetovës, përcjell KlanMacedonia.
Brenda 24 orëve në ambulancën e covid-qendrës janë kontrolluar 228 persona.
