Shkëmbinjtë “Boronicë” të gjetur në mars mund të përmbajnë ujë dhe janë të ngjashëm me mostrat hidrohematike të gjetura në tokë në shekullin e 19 -të, thotë një studim i ri, transmeton InLajmi.
Një hidrohematit, i zbuluar nga mineralet, prej gjermanit August Breithaupt në vitin 1843, po rishqyrtohet nga shkencëtarët në Universitetin Penn State, të cilët besojnë se ky shkëmb me bazë në tokë ka veti të ngjashme me shkëmbinjtë e gjetur në mars të quajtur “boronica”.
Hidrohematiti ka hidroksil, një grup hidrogjeni dhe oksigjeni që përkthehet në ujë të ruajtur në shkëmbinj.
Ndërsa, të ashtuquajturat ‘boronica’ në mars, u vunë re nga Curiosity i NASA-s në vitin 2004 që i identifikoi ato si hematite, pasi nuk ka teknologjinë për të identifikuar hidrohematitin.
Peter J. Heaney, profesor i gjeoshkencave, në Penn State, tha në një deklaratë se: ‘Në tokë, këto struktura sferike janë hidrohematite, kështu që mua më duket e arsyeshme të spekuloj se guralecët e kuq të ndritshëm në mars janë poashtu hidrohematit.’
Në varësi të sasisë së mineraleve të hidratuara të gjetur në mars, studiuesit besojnë se mund të ketë një rezervë të konsiderueshme uji atje, shkruan DailyMail.
“Prania e hidrohematitit në mars do të siguronte dëshmi shtesë se marsi dikur ishte një planet me ujë, dhe uji është një përbërës i nevojshëm për të gjitha format e jetës në tokë,” thanë studiuesit./InLajmi/
