Një diplomat italian ka folur për kushtet në të cilat po zhvillohen operacionet e shpëtimit në aeroportin e Kabulit.
“Fatkeqësisht na është dashur të jemi dëshmitarë të skenave dramatike, por kemi arritur në kushte emergjence absolute të sjellim në shtëpi bashkatdhetarët tanë dhe disa nga kolegët tanë afganë” tha Tommaso Claudi, për agjencinë e lajmeve “Ansa”.
Fluturimi i parë italian i evakuimit me 86 persona u ul në Romë të Mërkurën.
Më vonë 2 avionë “C130” që transportonin gjithsej 200 persona u nisën nga Kabuli pasdite dhe në mbrëmje, tha ministria e Mbrojtjes e Italisë, shkruan “BBC”.
Claudi mbeti në Kabul për të menaxhuar operacionet e kthimit në vend, transmeton Gazeta Blic.
“Në Afganistan ne jemi dëshmitarë të një tragjedie të madhe humanitare dhe ne të gjithë po bëjmë çmos” tha ai.
