Një ish-marins mbretëror ka paralajmëruar që “njerëzit do të lihen pas” në Afganistan, pasi ndau një imazh të një avioni shpëtimi, pothuajse të zbrazët, transmeton InLajmi.
Paul Farthing, ka qenë në mund për të shpëtuar gruan e tij nga Afganistani, dhjetëra anëtarë të stafit dhe familjet e tyre që kur talebanët erdhën në pushtet javën e kaluar.
Të enjten në mbrëmje ai shkroi në Tëitter se gruaja e tij Kaisa ishte në bordin e një aeroplani që fluturonte për në Norvegji, por tha se qindra vende në avion ishin bosh pavarësisht mijëra afganëve të dëshpëruar për të ikur nga Kabuli.
“Kaisa është duke shkuar për në shtëpi! POR ky avion është bosh… skandaloze pasi mijëra njerëz presin jashtë aeroportit të Kabulit duke u shtypur pasi nuk mund të hyjnë brenda. Fatkeqësisht, njerëzit do të lihen pas kur të përfundojë ky mision pasi ne NUK MUND t’i marrim ata siç duhet, ” shkroi ai në Twitter, duke publikuar një fotografi brenda aeroplanit me të gjitha sediljet bosh.
Sekretari i mbrojtjes në Britani, Ben Wallace ka këmbëngulur se Britania po përdor të gjithë hapësirën në dispozicion në çdo fluturim dhe po përpiqej të siguronte që “asnjë vend të mos mbetej bosh”.
Megjithatë, shumë nga aeroplanët që nisen nga Kabuli thuhet se po largohen nga Afganistani me dhjetëra, nëse jo qindra vende bosh, shkruan The Independent.
Raportohet se një avion gjerman i cili mund të mbajë 150 veta u ngrit me vetëm 7 persona në bord./InLajmi/
