Shërbimi Korrektues i Kosovës, ka njoftuar se në Qendër të Paraburgimit, Hajvali, është vetëvarur një person, përcjell InLajmi.
Në faqen zyrtarë të SHKK-së, thuhet se i paraburgosuri me inicialet Y.D, është gjetur i varur me jelekun e tij në dritaren e dhomës, poashtu thuhet se në momentin e gjetjes ai ishte me shenja jete.
Shërbimi njofton se pavarëisht intervenimit të menjëhershëm të stafit, i paraburgosuri ka ndërruar jetë në emergjencë të SHSKUK-së.
Bëhet e ditur se personi i vetëvarur ishte i dyshuar për veprën penale dhunë në familje, dhe ishte përdorues i drogave.
Njoftim i plotë i SHKK-së:
Shërbimi Korrektues i Kosovës, njofton opinionin publik se sot rreth orës 07:45 në Qendrën e Paraburgimit në Hajvali, i paraburgosuri me inicialet Y.D i lindur më 1988, është gjetur i vetëvarur me shenja jete me jelekun e tij në dritarën e dhomës.
Me të kuptuar për rastin, i menjëhershëm ka qenë intervenimi i stafit korrektues dhe atij mjekësor të qendrës, me ç’rast edhe është dërguar me urgjencë në Emergjencën e SHSKUK-së, por përkundër përpjekjeve për reanimim nuk kanë arritur të kthejnë në jetë, dhe si pasojë i njëjti ka ndërruar jetë ne QKUK.
Y.D ka qenë përdorues i drogave me çrregullime mendore, recidivist për dhune në familje, nën trajtim psikiatrik, psikologjik dhe mjekësore. Po ashtu tan kohën ka qenë nën përcjellje, varësisht nga gjendja e tij shëndetësore.
- D ishte i dyshuar për veprën penale dhunë në familje.
Lidhur me rastin janë njoftuar Policia e Kosovës dhe prokurori, ndërsa SHKK ka themeluar Komisioni Hetimor Administrativ.
Stafi mjekësor i Qendrës së Paraburgimit Prishtinë ka përgatitur dokumentacionin e nevojshëm lidhur me rastin.
Autopsia do të verifikoj shkakun e vdekjes./InLajmi/
