Një person ka vdekur si pasojë e lëndimeve të marra në një aksident në autostradën “Ibrahim Rugova”, raporton Express
Rastin për Express e ka konfirmuar zëdhënësi i policisë për rajonin e Prizrenit, Shaban Osmanollaj.
“Në orën 13:09 policia ka marrë informatën për një aksident trafiku në mes të 2 veturave në autostradën “Ibrahim Rugova”. Nga ekipi mjekësor në vendngjarje është konstatuar se një person ka vdekur si pasojë e plagëve të marra në aksident. Për të tjerët ende nuk dihet shkalla e lëndimeve”, ka deklaruar Osmanollaj.
Lexues të Gazetës Express kanë dërguar fotografi nga vendi i ngjarjes, ku shihet se njëra nga veturat është rrotulluar dhe ka dalë nga rruga.
