Twitter po prezanton një mënyrë për të raportuar postimet “mashtruese” për herë të parë, transmeton InLajmi.
Shumë nga rrjetet e mëdha sociale janë akuzuar se nuk kanë bërë aq sa duhet për të luftuar përhapjen e dezinformatave gjatë pandemisë Covid dhe fushatave elektorale në SHBA.
Edhe funksioni i raportimit të Twitter nuk ka ofruar kurrë një opsion të qartë për raportimin e postimeve të tilla. Por tani, rrjeti ka prezantuar tiparin e ri, duke thënë se akoma është në fazë prove dhe se fillimisht do të jetë i disponueshëm vetëm në disa vende.
Twitter gjithashtu paralajmëroi përdoruesit se sistemi mund të mos ketë një efekt shumë domethënës.
“Ne po vlerësojmë nëse kjo është një qasje efektive, kështu që ne po fillojmë nga mënyra më e vogël,” ka shkruar kompania e Twitter, në llogarinë e saj të sigurisë./InLajmi/
