300 emigrantët e parë nga Afganistani pritet që të mbërrijnë sot në Tiranë. Sipas informacioneve mësohet se avioni me afganë do të ulët gjatë ditës së sotme në aeroportin “Nënë Tereza” në Rinas.
Sipas Klan News emigrantët e parë do të strehohen në konviktet e Qytetit Studenti, ku janë bërë gati ambientet ku ata do të qëndrojnë.
Deri tani bëhet me dije se emigrantët që do të vijnë sot janë bashkëpunëtorë të qeverisë amerikane dhe familjarët e tyre që janë evakuuar të parët nga Kabuli pas marrjes së pushtetit nga talebanët.
Ambasadorja e SHBA në Tiranë, Yuri Kim, ka falënderuar Shqipërinë një ditë më parë por nuk ka dhënë detaje për këto operacione.
Edhe nga qeveria informacionet kanë qenë të pakta dhe nuk dihet ende se kur do të vijnë emigrantët e tjerë.
