Administrata Tatimore e Kosovës ka njoftuar se ka marrë vendim për largimin e 3 zyrtarëve të saj nga detyra, përcjell InLajmi.
Në një njoftim, ATK bën të ditur se pas verifikimit të fakteve ka marrë vendim për shqiptimin e 3 masave disiplinore ndaj 3 zyrtarëve të ATK-së
Sipas ATK, këto masat disiplinore janë shqiptuar për mungesa të paarsyeshme në punë mbi 5 ditë.
Njoftimi i plotë i ATK-së:
Pas verifikimit të të gjitha fakteve dhe shterjes së të gjitha procedurave ligjore, Komisioni Disiplinorë në ATK me datë 12 gusht 2021 ka marrë vendim për shqiptimin e tri masave disiplinore ndaj tre zyrtarëve të ATK-së Masat disiplinore janë shqiptuar në mungesa të paarsyeshme në punë mbi pesë (5) ditë.
Lidhur me shkeljet e rënda të konstatuar nga Komisioni Disiplinorë, dy zyrtarëve ju është shqiptuar masa disiplinore largimi nga Shërbimi Civil në përputhje me nenin 47, paragrafi 1 nën paragrafi 1.4 të Ligjit Nr. 06/114 për Zyrtarë Publikë. Ndërsa, zyrtarit tjetër ju është shqiptuar masa disiplinore për shkelje të rënda, ndalim i ngritjes në detyrë në përputhje me nenin 47, paragrafin 1, nën paragrafin 1.3 të ligjit nr. 06/L-114 për Zyrtarët Publik.
ATK është e zotuar për zero toleranca ndaj shkelësve të ligjit, ndërsa llogaridhënia dhe transparenca mbesin synimet tona për rritjen e besimit të qytetarëve ndaj institucionit të Administratës Tatimore të Kosovës.
Ftojmë qytetarët që për çfarëdo dyshimi që kanë tek zyrtarët e Administratës Tatimore t’i paraqesin në linjën pa pagës 0800-80-800 ose në e-mail adresën standardet.profesionale@atk-ks.org sepse vetëm në këtë mënyrë ATK do të arrij të ruaj dhe përmirësoj integritetin e saj./InLajmi/
