Mastercard do të ndalojë lëshimin e kartave me shirit magnetik, transmeton InLajmi.
Deri në vitin 2033, asnjë nga kartat e debitit ose të kreditit nuk do të kenë shirit magnetik. Ky proces do të përfshijë bankat në shumë rajone përfshirë Evropën që do të nisin lëshimin e kartave të reja nga viti 2024.
Mbretëria e Bashkuar është zhvendosur në karta me “chip-and-pin” për të gjitha pagesat me kartë në vitin 2006, por në SHBA dhe vende tjera vazhdon sistemi i kartelave bankare me shirita magnetikë.
Mastercard thotë se kartat chip-and-pin dhe kartat e reja biometrike që përdorin gjurmët e gishtërinjve, ofrojnë siguri më të madhe.
Një zëdhënës tha për BBC se ishte koha për pranim të një niveli i pranimit global të chip-and-pin me gjurmë gishtrinjësh, si një sistem më i sigurtë./InLajmi/
