Lituania ka akuzuar 12 oficerë bjellorusë për hyrje ilegale në territorin e saj në ndihmë të një grupi emigrantësh për të kaluar kufirin, transmeton InLajmi.
Shërbimi kufitar i Lituanisë tha se Bjellorusëve u ishte thënë vazhdimisht se kanë shkelur kufirin lituanez gjatë incidentit të tensionuar të martën.
Por, Bjellorusia e kundërshtoi këtë dhe akuzoi rojet lituaneze për dhunë ndaj emigrantëve.
Ministrat e BE -së do të takohen më vonë për të diskutuar rreth fluksit të fundit të emigrantëve nga Bjellorusia.
Më shumë se 4.100 emigrantë kryesisht irakenë kanë hyrë ilegalisht në Lituani nga Bjellorusia brenda vitit.
Rritja e kalimeve ilegale filloi në qershor pasi BE vendosi sanksione ndaj Presidentit të Bjellorusisë, Alexander Lukashenko.
Sanksionet erdhën në përgjigje të goditjes së presidentit ndaj protestuesve dhe arrestimit të një gazetari.
Lituania dhe aleatët e saj kanë akuzuar Bjellorusinë për fluturimin e emigrantëve nga Lindja e Mesme, në shenjë hakmarrje për sanksionet e BE –së, ndërsa Bjellorusia e ka mohuar këtë pretendim./InLajmi/
