Firma hapësinore e Jeff Bezos, Blue Origin po padit NASA-n për vendimin për ti dhënë një kontratë 2.9 miliardë dollarësh SpaceX të Elon Musk, për ulje në hënë, transmeton InLajmi.
Firma e ish-shefit të Amazon u shpreh se kjo marrëveshje nuk ishte e drejtë .
Mosmarrëveshja buron nga vendimi i NASA-s i marrë në Prill, për t’i dhënë kontratën vetëm një kompanie, e jo 2 siç pritej, për shkak mungesës së financave.
Në një paraqitje gjyqësore, Blue Origin tha se vazhdon të mendoj se duheshin 2 ofrues për të ndërtuar sistemin e uljes në hënë, i cili do të transportonte astronautët në sipërfaqen e saj qysh në vitin 2024.
Jeff Bezos gjithashtu ka akuzuar NASA -n për “vlerësim të paligjshëm dhe të pahijshëm” të propozimeve të kompanisë së tij, gjatë procesit të tenderit.
Për këtë situatë ende nuk është marrë ndonjë koment nga NASA./InLajmi/
