LVV prezanton kandidatin për kryetar të Therandës

Lëvizja Vetëvendosje në Therandë, ka prezantuar kandidatin për kryetar të komunës, përcjell InLajmi.

Përmes një postimi në Facebook, LVV ka treguar se Salih Zyba do të jetë kandidat në këto zgjedhje, ndërsa ka prezantuar edhe listën e kandidatëve për asamble komunale.

Njoftimi i plotë i LVV-së:

Të dashur qytetarë të Therandës, aktivistë e simpatizantë të Lëvizjes VETËVENDOSJE!, pas procesit të brendshëm zgjedhor dhe pas miratimit nga kryesia në nivel qëndror, ju njoftojmë që kandidat për Kryetar të Komunës së Therandës është Salih Zyba.

Ndryshimi në Therandë është i domosdoshëm e Lëvizja VETËVENDOSJE! është alternativa e vetme dhe e duhura për ta bërë ndryshimin.

Në vazhdim po ua paraqesim edhe listën e kandidatëve për asamble komunale.