Kryetari i Odës Ekonomike të Kosovës, Berat Rukiqi dhe drejtoresha ekzekutive e Platformës CiviKos Donika Emini, kanë mbajtur konferencë për media ku është folur për rëndësinë e vaksinimit, raporton InLajmi.
Në këtë konferencë u fol për vaksinimin masiv, si dhe u dhanë disa rekomandime për institucione dhe sektorin privat
Kryetari i Odës, u shpreh se duhet bërë vaksinimi masiv, në mënyrë që të ketë funksionim normal të institucioneve dhe ekonomisë së vendit.
“Ne këtë bashkëpunim e kemi filluar dhe e kemi vazhduar edhe për masat që duhet të respektohen edhe për vaksinim masiv. Për funksionim normal të institucioneve edhe të ekonomisë duhet të bëhet vaksinimi masiv”.
Ai poashtu ka kërkuar nga institucionet përgjegjëse hapa konkret për këtë çështje, si dhe ka lutur kompanitë e sektorit privat që të vaksinojnë punëtorët e tyre.
“Nuk mund të rikthemi në normalitet pa vaksinim masiv. Të gjithë ata që po hezitojnë të vaksinohen po kontribuojnë edhe moszhvillimit të vendit edhe moskthimit të vendeve të punës. Të vaksinohen të gjithë, sidomos kompanitë e sektorit privat. Duhen edhe veprime konkrete nga institucionet”, tha Rukiqi./InLajmi/
