Zëdhënësi i talebanëve ka deklaruar se po presin një transferim paqësor të pushtetit, transmeton InLajmi.
Një zëdhënës i talebanëve deklaroi për BBC -në se nuk do të ketë hakmarrje ndaj popullit të Afganistanit.
Suhail Shaheen i’u drejtua drejtpërdrejt në transmetim popullit, duke thënë se :
“Ne i sigurojmë njerëzit në Afganistan, veçanërisht në qytetin e Kabulit, se pronat e tyre, jeta e tyre është e sigurt – nuk do të ketë hakmarrje ndaj askujt. Ne jemi shërbëtorë të njerëzve dhe të këtij vendi.”
Shumë afganë kanë frikë kthimin brutal të regjimit të viteve 1990, i cili karakterizohej nga ekzekutimet publike, goditjet me gurë dhe me ndalimin e të drejtave të femrave./InLajmi/
