Policia e Kosovës, ka njoftuar se dyshohet për një person që është vetëplagosur me pistoletë, përcjell InLajmi.
Në raportin e policisë thuhet se rasti ka ndodhur dje në Skenderaj, ndërsa personi që është vetëplagosur kishte leje për armën.
Më tej policia bën të ditur se njësitet kanë dalë në vendgjarje dhe në lidhje me këtë rast është njoftuar prokurori i shtetit.
Njoftimi i plotë i Policisë së Kosovës:
Është raportuar se një i dyshuar mashkull kosovar, dyshohet se është vetë plagosur me një pistoletë për të cilën posedonte leje. Njësitë relevante policore kanë dal në vendin e ngjarjes dhe kanë sekuestruar për procedura të mëtutjeshme hetimore një pistoletë dhe pesë gëzhoja. Në lidhje me rastin është konsultuar prokurori i shtetit./InLajmi/
