Mediat gjermane i kanë bërë një apel urgjent Kancelares Angela Merkel dhe ministrit të Jashtëm të vendit për një program urgjence vizash për të ndihmuar stafin lokal që punoi për ta, që të largohen nga Afganistani, transmeton InLajmi.
Në një letër të hapur, gazetat kryesore gjermane, transmetuesit publik dhe tregtar si dhe agjencia e lajmeve DPA paralajmëruan se “jeta e këtij stafi të pavarur tani është në rrezik akut”.
Mediat theksuan se raportimi nga Afganistani gjatë 2 dekadave të fundit do të kishte qenë “i paimagjinueshëm pa përpjekjet dhe guximin e stafit afgan që na mbështeti në terren: gazetarë vendas, drejtues dhe përkthyes”.
Duke cituar disa sulme fatale të kohëve të fundit ndaj gazetarëve, në letër thuhet se për shkak të përparimit të talebanëve “duhet të ketë frikë se vrasjet tani do të rriten në mënyrë dramatike – dhe shumë nga stafi ynë janë në rrezik,” përcjell AP.
“Ne jemi të bindur: nuk ka kohë për të humbur tani. Stafi ynë që dëshiron të largohet nga vendi është në rrezik persekutimi, arrestimi, torture dhe vdekjeje. Kjo është arsyeja pse ne ju kërkojmë të veproni shpejt. “shkruhet në letër./InLajmi/
