Ramë Lahaj-Edi Ramës: Thuaj jo Bregoviqit, z.Kryeministër!

Tenori i mirënjohur nga Kosova, Ramë Lahaj i është drejtuar Kryeministrit të Shqipërisë Edi Rama, në lidhje me Festivalin e Korçës, përcjell InLajmi.

Lahaj përmes një postimi në Facebook, ka shkruar një letër drejtuar Ramës, duke i thënë se po i drejtohet në emrin e të gjithë kosovarëve që të anulojë Goran Bregoviçin.

Ai në shkrimin e tij është shprehur se këngët e Bregoviç ishin himn i çetnikëve serb, të cilët janë arsyeja pse shumë nga kosovarët nuk mund të jenë pjesë e festës së birrës.

Lahaj mbaroi shkrimin duke kërkuar nga Kryeministri që ti thotë jo Bregoviçit.

Postimi i tij i plotë:

Edi Rama po të drejtohem në emnin e të gjithë kosovareve, anulo Goran Bregoviqin!

Ai dhe kangët e tij që ishin himni i çetnikëve serb për të prerë fëmijët, nanat, motrat, vëllezërit e baballarët tanë nuk mund t’ jene në Shqipni për të festuar në festen e birrës. Zgjidh ke të duash nga artistet me mua në krye, ani pse nuk këndoj në festa birrash, por po të vij unë dhe gjithë koleget pa asnjë lloj detyrimi, me festu së bashku me muzikën tone të bukur shqipe. Po jo me atë që neve na i prenë fëmijët në djep . Tregohu burrë nji here në jetë e mos na lëndo ma shumë. Mos na i qit krip plagës. Unë jam vet artist, e misioni i artistit është me ndjellë paqe përmes artit, por ky rast asht krejt ndryshe dhe ju e dini pse! E sa i përket renditjes se kush erdh i pari e kush i mrami kur Shqipninë e dridhi tërmeti, n’ ketë punë renditja asht krejt e pa ransishme! Shipnija asht bo sofra e shtrati jone at‘here kur çetniket serb me kangët e Goranit na i ka permys e djegë shpiat e baballarëve. Mos i rafte kurrë Shipnisë me u provu në të keq, se t’ madh e t’ vogël aty na ka. T’ paret!

Thuaj jo Bregoviqit z. Kryeministër!

Shipnisë nuk i ka hije me bo dasem me dajre t’ çetnikëve./InLajmi/