Presidentja e Kosovës, Vjosa Osmani, ka shprehur ngushëllimet e saj për humbjen e gazetarit Ramush Tahiri, përcjell InLajmi.
Presidentja ka ngushëlluar familjen e gazetarit, politologut, ish-zëvendëskryeministrit dhe ish-ministrit të Mbrojtjes në Qeverinë e Kosovës në ekzil në vitet e 90-ta, Ramush Tahiri.
Ajo u shpreh se Tahiri ka lënë gjurmë të pashlyeshme në historinë e vendit.
“Me veprimtarinë e tij të pandalshme, z.Tahiri ka lënë gjurmë të pashlyeshme në historinë më të re të vendit. Ai u nda nga ju për t`u lënë pas kujtimet për njeriun e mirë e profesionist! Ju do të jetoni me trashëgiminë e begatshme e të tij. Në këto çaste të vështira për ju, bashkëndjej me Familjen Tahiri”, shkruhet në mesazhin e Presidentes Osmani për familjen e të ndjerit.
Kujtojmë se gazetari Ramush Tahiri vdiq ditën e premte, ndërsa varrimi i tij bëhet sot në Ferizaj./InLajmi/
