Ora e re e Samsung, Galaxy Watch 4 vjen me një veçori ndryshe nga të tjerat, transmeton InLajmi.
Modeli i ri i orës së Samsung, mund të llogarisë përqindjen e yndyrës trupore dhe masën e muskujve, ka njoftuar kompania.
Yndyra e trupit është në përgjithësi një mënyrë e mirë për të vlerësuar shëndetin, por shpesh llogaritet duke përdorur një metrikë të quajtur indeksi i masës trupore (BMI), i cili është i papërpunuar dhe i pasaktë.
“Nëse pajisjet si kjo orë, rezulton e sakë në matje të yndyrës, kjo është një mënyrë e mire që t’u japin njerëzve një burim për të monitoruar shëndetin e tyre,” ka thënë për The Verge, Diana Thomas, një matematikane që studion rregullimin e peshës trupore.
Galaxy Watch 4, mat përbërjen e yndyrës së trupit duke përdorur një teknikë të quajtur analiza e rezistencës bioelektrike, e cila dërgon një rrymë të dobët elektrike nëpër trup. Ajo llogaritë sasinë e ujit në trup ku sinjali lëviz më shpejt përmes indeve që kanë përqindje më të larta të ujit. Meqenëse yndyra ka një përmbajtje më të ulët të ujit, kjo teknikë mund të vlerësojë se sa yndyrë është e pranishme në trupin e një personi./InLajmi/
